A Festa do Pelete e a Romería das Ermitas: Interés Turístico Rexional

De todas as festas que se fan venerando, moitas delas, santos e vírxens patróns dos lugares, hai dúas que ten unha dimensión moito maior, dúas que son de momento, as únicas capaces de congregar a centos de persoas de toda a Provincia de Pontevedra:

A Romaría das Ermitas (ANTAS) e a Festa do Viño do Pelete (COVELO).

Ambas festas ten a capacidade de mobilizar a moitísima xente, independentemente de que se faga un día calquera da semana, por que son festas que polo longo dos tempos medraron da man da emigración e que conseguiron facer unha tradición xa básica na vida de moita xente: unha, ir comer de campo o día 5 de agosto e, a outra, a apertura das pipas de viño do Pelete e mollarse.

Pero como tantas outras festas tamén ten perdido xente. Por que para promover unha festa máis alá dos límites do noso concello hai que facer máis que traer o Presidente da Deputación de Pontevedra a xantar. Un alcalde se ten que involucrar nas festas, ser un máis das persoas que participan da festa e reunirse anualmente coas comisións de festas para promover o seu desenvolvemento máis óptimo.

Non cabrearse por que te tiren o viño por riba, se non ser unha persoa aberta a festividade do teu concello.

Por iso, nos propoñemos al menos dúas solucións para o desenvolvemento destas festas:

1. A primeira e, tal vez a máis importante, conseguir que a Xunta de Galicia declare de INTERÉS TURÍSTICO REXIONAL ambas festas. O Concello o ten intentado "daquela maneira", pois presenta a proposta, a envía a Santiago de Compostela e o alcalde non se preocupa máis ata que a resolución e denegada. Nos propoñemos facer unha reunión con ambas comisions e facer unha presentación (que non representa moito gasto) para "vender" ambas festas na Comisión Delegada da Xunta de Galicia para as festas de interese turístico rexional. Conseguir iso e moi importante para o noso Concello e para o desenvolvemento e futuro das festas. Actualmente, na comarca de Pontevedra, soamente hai tres festas que ten ese distintivo: A festa da troita en Ponte-Caldelas, o Entroido de Cobres en Vilaboa e a Festa de San Benitiño de Lérez en Pontevedra. Unha festa de interese turísitico rexional é promovida nas feiras turísticas internacionais alá onde a Xunta de Galicia participa e ten, por un outro xeito, maior facilidade para acceder as axudas públicas.

2. O apoio institucional do Concello as festas que prometeu o Alcalde no seu progama electoral vai máis alá, de que o alcalde vaia as festas a xantar ou a bailar. Iso está moi ben, pero nos creemos que o Alcalde debería de facer al menos, unha reunión anual para escoitar as propostas de todas as comisións de festas do noso Concello. Antes do verán, nas instalacións do Concello, convocar a os President@s das comisiones de festas de todas a parroquias, para analizar as necesidades de todas e buscar vías de futuro para a sustentabilidade das nosas festas.

As festas da Lama ten moito potencial, non podemos agardar a que morran, temos que actuar.