Moción sobre los Robos en A Lama

O Grupo Municipal Socialista no Concello de A Lama en base ao disposto nos artigos 91.4 e 97.3 do Regulamento de Organización, Funcionamento e Réxime Xurídico das entidades locais e demais normativa que poida resultar de aplicación, presenta, diante do Pleno da Corporación esta MOCIÓN, en base a seguinte

EXPOSICIÓN DE MOTIVOS

Dende principios do mes de Febreiro, A Lama está a sufrir unha serie de roubos nas parroquias de Antas, Covelo, Seixido e Xesta en casas baleiras dos emigrantes.

Tres meses que están provocando na poboación de A Lama unha alarma xeneralizada que moitas veces non permite descansar pola noite a xente de unha idade máis avanzada polo medo que impregnou en tódalas aldeas.

Escoitamos na prensa de, ao menos, dúas reunións do Señor Alcalde de A Lama e o Subdelegado do Goberno prometendo maior seguridade, evidenciada con maiores controles de noite e de día.

Sen embargo, a tardanza de reacción da subdelegación do Goberno de España segue permitindo que un grupo de persoas cometan os roubos e atemoricen a xente sen ningún tipo de solución.

Peor aínda, foron as declaracións do señor Antonio Coello o pasado 13 de maio, nas que reduciu o número de roubos a ridícula cifra de 14, nos últimos catro meses.

Iso, só evidencia a incompetencia dun subdelegado ou as gañas que tiñan de mentir, pois este Grupo Municipal ten constancia de, ao menos, 34 roubos nas catro parroquias de Febreiro a Maio; máis outros intentos falidos en casas habitadas.

Non é posible, que unha casa na parroquia de Xesta sexa roubada en tres ocasións e a Subdelegación do Goberno banalice os problemas de seguridade do noso concello.

Mesmo a Garda Civil recoñece máis de trinta roubos en casas baleiras nos últimos meses, por lo que, só nos queda facer a seguinte pregunta: ¿Está capacitado o señor Coello para combater a delincuencia? Nos creemos que non.

En virtude do exposto o Grupo Municipal Socialista, presenta a seguinte MOCIÓN para o seu debate en Pleno, e que se acorde o seguinte:

1º) Reprobar ao Subdelegado do Goberno de España en Pontevedra, Antonio Coello Bufill, pola súa xestión nos roubos nas parroquias do Concello de A Lama.

2.º) Dirixirse ao Delegado do Goberno en Galicia, para que aprobe o pago de horas extra a Garda Civil e a presenza de maio número de efectivos para poder deter aos delincuentes.

15 Maio de 2014

Asdo.: O Portavoz Municipal do Grupo Socialista

ENRIQUE VAQUEIRO COSTAL.