A Carne do Suído: Ternera Galega de Calidade

A continuación, transcribo a nosa proposta:

O Grupo Municipal Socialista no Concello de A Lama en base ao disposto nos artigos 91.4 e 97.3 do Regulamento de Organización, Funcionamento e Réxime Xurídico das entidades locais e demais normativa que poida resultar de aplicación, presenta, diante do Pleno da Corporación esta MOCIÓN, en base a seguinte

EXPOSICIÓN DE MOTIVOS

A Serra do Suído representa un dos máis importantes paraxes naturais da provincia de Pontevedra, na que se dan as circunstancias para unha interacción positiva entre a protección do medio natural e a produción de importantes explotacións agrarias.

Dende máis de catrocentos anos o pastoreo tradicional no monte, foi unha constante como un medio de subsistencia para miles de familia; de tal importancia, que foi un referente para la separación entre termos municipais e provincias.

Hoxe, coa terrible crise económica e a liquidación das axudas da Unión Europea, os gandeiros do Suído atópanse na necesidade de buscar alternativas comerciais para colocar os seus produtos no mercado, facendo un importante gasto para o mantemento do gando no monte, sobretodo no inverno.

E por iso, que unha Calidade Diferenciada, sería unha poderosa ferramenta para dar os pasos camiño de colocar a Terneira Galega do Monte do Suído, no mapa dos produtos alimentarios en Galicia e en España.

Existen distintas ferramentas para ese uso, que dotan o produto de dúas vantaxes fundamentais: o valor añadido para o produtor e as garantías de un producto de calidade para o consumidor.

E por iso, que os concellos que integramos a Serra do Suído , debemos aunar esforzos para que aqueles gandeiros que están interesados en facer as certificacións de terneira galega, o podan facer.

O custo é de seis euros por becerro, con unha producción aproximada de 500 cabezas nas parroquias de Xesta, Seixido, Antas, Verducido, Xende, A Lama y Gaxate, rondaría los 3.000 euros. Unha cantidade pouco significativa no orzamento municipal.

En virtude do exposto o Grupo Municipal Socialista, presenta a seguinte MOCIÓN para o seu debate en Pleno, e que se acorde o seguinte:

1º) Estudar o asunto nunha Xunta de Voceiros Municipal.

2.º) Convocar unha reunión no termo municipal das asociacións gandeiras para expoñer a proposta e escoitas as necesidades dos produtores na actualidade.

3 º) Aprobar o gasto e estudar a súa forma de pago.

19 de Marzo de 2014

Asdo.: O Portavoz Municipal do Grupo Socialista

ENRIQUE VAQUEIRO COSTAL.